عشرين سنة من الآهات المونديالية

برغم المرحلة الصعبة اللى أنا بمر بيها الأيام دى بس برضه قلت اقول كل مونديال وإحنا طيبين ومشجعيين ويارب المرة الجاية موفقين.

1- امريكا 1994 :طوبة
مجموعة هايفة وفرق حبوبة
رايحين امريكا وهانعمل أعجوبة
خسارة وتعادل ونقط سهلة مسحوبة
وماتش العمر يتلغى بحتة طوبة

2- فرنسا 1998 :تونس
ها نكسب هنا ونتعادل هناك
ونروح باريس ونشوف جاك شيراك
فى تونس هزة ودوخة وارتباك
وجول كالعادة "حظ" يهز الشباك

3- كوريا واليابان 2002 :الجوهرى تانى
حماس ولهفة وأحلام كبيرة وأمانى
الجوهرى هايركبنا القطر اليابانى
خوفنا من المغربى وعملها السنغالى
وقعدنا للحسرة والبكا من تانى

4- ألمانيا 2006 : تارديللى ومجموعة الموت
خواجة طليانى و عزيمة وإصرار
ولاتقولى كاميرون ولا كوت ديفوار
هانوصل المرة دى بجد مش هزار
ألو ياخواجة الماتش بدأ وأحنا فى الإنتظار
خلاص خبيبى انا وصلتو وجاى من المطار

5- جنوب أفريقيا 2010 : أم درمان
الشيخ والبركة والسد والفنان
إحنا الأبطال وخلاص آن الآوان
الكل طار ورا الحلم فى السودان
ورجعنا بدمعة كبيرة من أم درمان

يارب المرة اللى جاية