1-انجغه ياكلبوزة
عيل صغير تختوخ كده وكلبـــــــــــوز
ان غاب اللبن والبيض يلوى بـــــــــوز
وان حبيت تصالحه يبقى بصباعين موز
وساعة الاكل لازم من كل صنف جــوز
2- ميدالية على شكل سمكة
فى تالتة ابتدائى اول الجوايــــــز
فرحة كبيرة والكل بيهنى الفايـــز
عيون بريئة ودنيا مفيهاش حواجــز
وايام جميلة فيها الحلم جايــــــــز
3- سباق الدحاحين
من اول يوم ليه فى الثانــــــويـــــة
الدح شغال م الفجرية للمغــربيـــة
والمجموع كام وتسعين فى الميـة
الف مبروك يلا اختار احسن كليــــة
4-الجامعة
جبت كشف الامانى والرغبــــــــــــــات
الاولى والتانية والعاشرة حاسبـــــــــات
ده احنا عايشين فى عصر البرمجيـــــات
والسنين عدت والشهادة مليانة امتيازات
وتكريم و جوايز وشهادات تقديـــــــــرات
اركن بقى كله ويلا نتعلم فى كورسات!!!
5-عرفت الحقيقة المره
رحلة غريبة مدتها سنة وشهــــــــــــور
اتزال فيها القناع وانكشف المستــــــور
شفت العجايب ورجعت حزين مقهــــــور
ولا فادنى حكيم ولا عرف يداوينى دكتور
6-مستقبل؟؟
تفكير كتير وعلامات استفهــــــام؟؟؟
انا سمعت كل النصايح ونفذت تمام
ليه ببطىء بيتنفذ فيا حكم الاعـدام
جاوبونى يا اساتذة بيع الاوهـــــــــام
ليست هناك تعليقات:
إرسال تعليق