رمضان جاى فى الاتوبيس
جاى يربط دراع ابليس
جاى ومعبي لنا الخير قراطيس
وجايب لنا معاه أحلى الفوانيس
ده فانوس للجوامع والتراويح
معانا يدعى ويردد التسابيح
و يحى الليالى قرآن وتواشيح
للمولى حمد وتوبة وللنبى مديح
وده فانوس كبير مزين حوارينا
شايل جواه اجمل حكاوينا
يوماتى يسجل فطورنا عالبلح والفخفخينا
ويصور لمتنا فى السحور وسط أهالينا
وده فانوس بيغنى كما العصفور
يصحينا فى الليل لاجل ما نحضر السحور
وينادى فى المسا ياصايمين بلوا الصدور
بلوها بالهنا والشفا والذنب المغفور
وده فانوس شمعته منورة الليالى
شمعة ضيها يحيى القلوب من تانى
نورها يهدى للرضا الربانى
ونارها تحرق النبتة الشيطانى
بكيبورد : أشرف شعبان
ليست هناك تعليقات:
إرسال تعليق