لو شفت دنيا السياسة
تلاقى البلد محتاسة
والناس اللى حاربت برصاصة
بقت بتحارب بمصاصة
وإن شفت دنيا العلم
تلاقى الحال يغم
وبعد ما كنا للدنيا أم
بقينا بنقول للكل يا عم
وإن شفت دنيا الموظفين
تلاقيهم ياعينى غلبانين
بيحسبوها شمال ويمين
على الفقر والشقى متواعدين
وإن شفت دنيا التعليم
تلاقى المجانين فى نعيم
و يطلع الدكتور الوسيم
يقولك المنهج كان فى الصميم
وإن شفت دنيا الفن
تلاقى ناس كتير بتزن
بيخلطوا التراب بالبن
ويقولوا اشربوا احلى فن
وإن شفت دنيا الكورة
تلاقى التعصب نافورة
وتلاقى الخناقات بالطورة
على حتة جلدة اسمه كورة
الدنيا بقت كلها ظيطة
وناس كتير عاملة عبيطة
وناس مدارية فى الحيطة
وناس ماوراهاش غير العيطة
الخميس، 13 أغسطس 2009
الدنيا ظيطة
الاشتراك في:
تعليقات الرسالة (Atom)
ليست هناك تعليقات:
إرسال تعليق