لورقة الاولى
النهاردة الكل فى عيد
ربنا رزق بمولد جديد
الأب جاى فرحان من بعيد
الجد قاله مبروك يا ابو يزيد
الورقة التانية
كبر الولد وما ترك لابوه طلب
وكان مضرب الأمثال فى الأدب
لكنه مرة شاف رؤيا عجب
حلم انه بقى فارس ووحد العرب
الورقة التالتة
النهارده عيد الخريجين
ويزيد كان اول الناجحين
وقف يناجى رب العالمين
اللهم اجعلنى من الطيبين
الورقة الرابعة
بسرعة طلع جواز سفر
وحلف ما يترك طير أو حجر
غير لما ياخد منه علم وخبر
ومش راجع غير لما ازور القمر
الورقة الخامسة
بعد السفر والترحال
اخيرا اترجل الخيال
واتلخم فى زوجة وعيال
ومن اليوم بقى للهم شيال
الورقة الأخيرة
سكت اللسان عن الكلام
والعيون نورها بقى ضلام
وكل ليلة يقول قبل المنام
ياترى فى صبح ولا الليلة الختام
